趁好天爹爹又放假，突擊去野餐！
由決定去野餐、整野餐食物、到出門口，用了大概45分鐘。
北上途中，Mia因傷風所以瞓左一覺。本來想去極北睇花祭，中途先知星期日完左。所以轉計劃先去@金武町鰻魚養殖場（自主）參觀（在Aeon 見到沖繩居然有鰻魚，爹爹心思思想去好耐！)，然後經過個camp site，一經過見到海灘就停車了！@金武漁協旁的沙灘。
幾個禮拜前買定的帳幕派上用場。
天氣超好，好曬，所以媽媽決定play dead，比父女自行培養感情！
今日溫度在16-18度左右，好凍，好啱去溫泉。（再唔去就夏天，唔會浸喇！）所以最後節目係浸天然溫泉。恕冇相喇！